مقارنه حلوه بين البنت الناعمه والبنت الدفشة

اليوم جايب لكم موضوع

وهوو الفرق بين البنت الناعمة والبنت الدفشة

ونبدأ بالبنت ..

البنت الناعمة:
طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ماما وقت واجد تأخير .. والناعمة اول ما تصحى من النوم تفتح الستارة والشباك علشان الغرفة تتنفس وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار .. وتنزل تاكل الفطور اللى يكون عبارة عن دونت وعصير برتقال

البنت الدفشه
تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد الدفشة على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد عليه : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد تلك الرفسة العنيفة تصحى من النوم

البنت الناعمة
ما تتغدى الا الساعة 4 ولا 5 ولا تتغدى الا على عيش ابيض مسلوق وسلطة تحافظ على رشاقتها

البنت الدفشة
تتغدى الساعة 12 بالضبط ولا تتغدى كبسة ولحم او دجاج واذ خلصت تشرب البيبسى شربة واحدة يعنى مافي مجال انها تتنفس .. وما تسمع الا اصوات مخفية

البنت الناعمة
طلعتها تكون من بعد صلاة المغرب ما تطلع العصر تحافظ على البشرة من ضوء الشمس

البنت الدفشة
تطلع الساعة 2 القايلة تروح مشى لبيت خوالها لحد ما تنقلب سمرة

البنت الناعمة
تروح كافية مع صديقاتها وقبل لا تطلع تمر على الصالون تحط هذاك الميك اب

البنت الدفشة
تحط كحل يملا العين والروج تقول ما كلة انسان واذا بتروح تروح السوق ولا سوق الحراج

البنت الناعمة
اذا تبى تضحك تقول ( هه ) ويدها على فمها من الخجل والضحكة من الصعب انك تسمعها

البنت الدفشة
ها ها ها ها .. والحاره الثانية تسمعها

البنت الناعمة
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة

البنت الدفشة
تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة

البنت الناعمة
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع

البنت الدفشة
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاي